أغنية الشيخ أمام البلي بوم بوم

أغنية الشيخ أمام البلي بوم بوم

 

كلمات الأغنية

البلي بوم بوم ..و البلي باه
البلي بوم بوم و البلي باة
قالك اية قالك أة
شربة عجيبة من تركيبة بلدي يا بلد البلي باة
قالك اية قالك اة

شوف يا مواطن شوف يا امير و اسبق شوفك بالتفكير
ناس بيقولو السر في بير
ادى البير و ادى غطاة و البلي بوم بوم و البلي باة
قالك اية قالك اة

قالك اكل الفول بيقوت... ايوة يقوت
قالك حشو المعدة يموت ...أيوة يموت
قالك صهين قالك فوت كل دة كذب الناس كشفاة
زى ما كشفوا البلي بلي باة
قالك اية قالك أة

اى مواطن يا مواطن ياولادة ذاده الفول لازم تلاقه
عنده البنكرياس بطال و الامساك فوق الاسهال
عنده الرهقه عنده الدوخة عندة انيميا  عنده عيال

قالك ثم الجهل مصيبة مولف ويا العيا تركيبة
تشرب منها تعطش تاني تشرب تعطش تشرب تاني
تشرب تعطش خمسة في ستة مية نار لو طالت حته
لازم تلحس اثمن حتة يعنى المخ يا خلق الله
و ادي البير و ادي غطاة
و البلي بوم بوم و البلي باة
قالك اية قالك اة

قالك تصبر علي المكتوب زي ما صبر النبي ايوب
يعني تسلم للمكروب ياخد رزقه بفضل الله
يفضل ينحل وبرك لما تفرفط من وسط اللمة
خايخ نخب السوس في عضامك
خلي قوايمك ما هي شيلاك
و يعالجوك الناس بالصبر
مع انك عيان بالصبر
قومك صبر و نومك صبر
لحد القبر يا حول الله
و حياتك من الدر للنار تتولف عند العطار
يسيقك الحكمة في اشعار
و يركب من الصبر دواه
و تربع و الداء عمال في عضام الابعد نحال
و تخلف للبؤس عيال
و بهية صبية يا ولداة

بعد الكشف بمكرسكوب شوفنا التوب و ما تحت التوب
تشكيلة أمراض عشناها و اليكم في الاتي دواها

وجع الراس ها نعالجه باية قالك ندى الناس القوت
قالك طب و الجهل يا بية
قالك سيب الكلمة تفوت
طب و الكلمة تفوت ازاى
قالك لما الضلمة تموت
طب و الضلمة تمت ازاي
قالك لازم بالنبوت
و النبوت هانجيبه منين
قالك لما نهز التوت
قالك ادر خفنا نهز
قالك نشرب صبغه يود
ها تطهر ايوب من صبره
و تفجر كيد المكبوت
و تفوق يونس من نومته
و يفلفص من بطن الحوت
و ادى البير و ادى غطاة و ادى وجعنا و ادى دواه